Kaspi VI Халықаралық «Алматы Марафонның» бас серіктесі болды
Қазақстандағы ең ауқымды жүгіру шарасы VI Халықаралық «Алматы Марафон» 2017 ж. 23 сәуірде өтеді. Биылғы жылы Kaspi жаппай жүгіру жарысының бас серіктесі ретінде қатысады.
Kaspi салауатты өмір салтын дәріптеуге байланысты бастамаларға бұрыннан бері қолдау көрсетіп келеді. «Қаһармандар Kaspi-мен бірге» атты әлеуметтік роликтер сериясы қазақстандықтардың әлі де жадында. Енді «Алматы Марафон» жаппай жүгіруге қатысатын әр адамның қаһарман болуына мүмкіндік береді.
www.almaty-marathon.kz сайтында Марафон туралы толық ақпарат алуға және тіркелуге болады.
Сондай-ақ «Алматы Марафонға» қатысу үшін 4000 теңге мөлшерінде бастапқы жарна төлеу керек. 6000 теңгеден көп бастапқы жарна төлеген кезде қатысушы фирмалық футболканы сыйға алады. Бүкіл жарна сомасы
қайырымдылық мақсаттарға бағытталады.
«Алматы Марафонға» қатысушылар өзіне неғұрлым қолайлы жүгіру түрін таңдай алады:
Марафон (42 км 195 м) – 18 жастан үлкен адамдар қатысады;
Жартылай марафон (21 км) – 18 жастан үлкен адамдар қатысады;
Серікпен жүгіру (10 км) – 15 жастан үлкен адамдар;
Балалар жүгіруі (3 км) – 10 жастан 14 жасқа дейінгі балалар қатысады;
Экиден (командалық эстафета – 42 км 195 м) – 16 жастан үлкен адамдар қатысады.
Аталған қашықтықтардың бағдарымен
осы жерде танысуға болады.
Қатысушылар жарысқа төмендегі құжаттар болған кезде жіберіледі:
18 жастан үлкен қатысушылар үшін:
- Жеке куәліктің көшірмесі;
- Өзінің денсаулығы үшін толық жауапкершілік туралы қолхат.
18 жасқа дейінгі қатысушылар үшін:
- Жеке куәліктің көшірмесі (туу туралы куәліктің көшірмесі);
- Жарысқа жіберу туралы ата-анасының қолхаты;
- Қолхатқа қол қойған ата-анасының бірінің жеке куәлігінің көшірмесі.
Марафонға қатысу ережелері туралы қосымша ақпаратты
осы жерден қараңыз.