«Kaspi Bank» акционерлік қоғамы
АКЦИОНЕРЛЕРІНІҢ ЖАЛПЫ ЖИНАЛЫСЫН ӨТКІЗУ ТУРАЛЫ ХАБАРЛАМА
Атқарушы органның толық атауы: «Kaspi Bank» акционерлік қоғамының Басқармасы
Атқарушы органның орналасқан жері: Қазақстан Республикасы, 050013, Алматы қ., Наурызбай батыр к-сі, 154 «А»
«Kaspi Bank» акционерлік қоғамының Директорлар кеңесі «Акционерлік қоғамдар туралы» Қазақстан Республикасының 2003 жылғы 13 мамырдағы № 415-ІІ Заңының (бұдан әрі – Акционерлік қоғамдар туралы заң) 37-бабының 2-тармағының 1-тармақшасына және 41-бабына сәйкес жиналысты шақыруға бастама көтеруші ретінде 2017 жылғы 08 желтоқсанда жергілікті уақыт бойынша сағат 10-00-де 050013, Алматы қ., Наурызбай батыр к-сі, 154 «А» мекенжайында «Kaspi Bank» АҚ акционерлерінің Кезектен тыс жалпы жиналысының (бұдан әрі – акционерлердің жалпы жиналысы) өтетінін хабарлайды.
Жиналысқа қатысушыларды тіркеу жиналыс өтетін жерде жергілікті уақыт бойынша сағат 09:30-да басталады және жергілікті уақыт бойынша сағат 10:00-де аяқталады.
- Өзіңізбен бірге жеке басты куәландыратын құжат болу керек.
Акционерлердің жалпы жиналысына қатысуға және онда дауыс беруге құқығы бар акционерлердің тізімі жасалғаннан кейін осы тізімге енгізілген тұлға қоғамның дауыс беретін оған тиесілі акцияларын иеліктен шығарған жағдайда, акционерлердің жалпы жиналысына қатысу құқығы жаңа акционерге өтеді. «Акционерлік қоғамдар туралы» Қазақстан Республикасы Заңының 39-бабының 2-тармағына сәйкес акцияға меншік құқығын растайтын құжаттар берілуі керек.
Кворум болмаған жағдайда, акционерлердің екінші жалпы жиналысы
050013, Алматы қ., Наурызбай батыр к-сі, 154 «А» мекенжайында 2017 ж. 11 желтоқсанда жергілікті уақыт бойынша сағат 10-00-де өткізіледі.
Акционерлердің жалпы жиналысына қатысуға құқығы бар акционерлер тізімін жасау күні – 2017 ж. 31 қазан.
Күн тәртібі:
- «Kaspi Bank» акционерлік қоғамы акционерлерінің Кезектен тыс Жалпы жиналысының күн тәртібін бекіту туралы;
- «Kaspi Bank» АҚ-тың жай және артықшылықты акциялары бойынша дивидендтер төлеу туралы және «Kaspi Bank» АҚ-тің бір акциясына есептегенде дивидендтің мөлшерін бекіту туралы.
Акционерлік қоғамдар туралы заңның 44-бабының 4-тармағына сай күн тәртібінің мәселелері бойынша материалдар акционерлер танысу үшін 050013, Алматы қ., Наурызбай батыр к-сі, 154 «А» мекенжайында жиналыс өткізілетін күннен он күн бұрын дайын әрі қол жетімді болады. Жалпы жиналысты өткізуге қатысты ақпаратпен «Kaspi Bank» АҚ Корпоративтік сүйемелдеу департаментінде, 8(727)356 34 23 телефоны арқылы танысуға болады.
Жалпы жиналыс Акционерлік қоғамдар туралы заңның 48-бабына сәйкес тәртіппен өткізіледі.
Жиналыста сырттай дауыс беру қолданылмайды.
