Журналистермен түскі кофе
5-қыркүйекте Басқарма Төрағасы Михаил Ломтадзе және Директорлар Кеңесінің Басшысы Вячеслав Ким отандық және шетелдік басылымдардың редакторлары мен жетекші журналистерін бір шыны кофеге шақырды.
Баспасөз өкілдерімен бейресми жағдайда әңгімелесу «Рахат Палас» отелінің жазғы «Тау Самал» мейрамханасында өтті. Әңгіме барысында «төртінші билік» өкілдері «бұрқыраған» жылжымайтын мүлік нарығындағы жағдайға банкирлеріміздің көзімен қарап, Қазақстанның банк секторы мен тұрғын үй нарығының дамуының шынайы болжамымен танысты.
Михаил Ломтадзе мен Вячеслав Ким көптеген Қазақстандық банктерге әсер еткен өтімділік дағдарысына өз пікірлерін білдіріп,«Каспийский» Банкінің бизнес үлгісі мен позициясын түсіндірді. «Каспийский» Банкі бақыланатын өсімге бағытталып, халықаралық нарықтардан миллиардтаған доллар тартпағандықтан, қазіргі халықаралық нарықты «басып қалған» ипотекалық дағдарыстың легі, біздің банкке өзі жайлы ақпаратты кәсіби менеджменті бар тұрақты банк ретінде шегелей түсуге мүмкіндік береді. Басқа Қазақстандық банктер несиелеуді кідіртіп немесе мүлдем тоқтатып тастаса, «Каспийский» Банкі ай сайын шамамен 11 млрд. теңге беруде, биылғы жылдың маусымымен салыстырғанда несиелеу көлемі соңғы айларда 20-30%-ға өсті.
Мұндай жағдайда менеджмент жүргізетін баға саясаты қандай болады деген сұраққа Михаил Ломтадзе:- Біз демпинг жүргізбейміз, алайда Қазақстанның табысты банктерінің бірі болғымыз келетіндіктен, ставкаларымыздың деңгейі нарықпен бірге өсіп отырады, - деп жауап берді.
Журналистермен емін-еркін өткен әңгіме топ-менеджменттің ашық және қол жетерлік қаржы құрылымын құрғысы келетінін тағы бір дәлелдеді.