kaspi bank зейнеткерлерге арналған компьютерлік курстың ашылуын қолдады
Алматыда қарт адамдар «50+» үшін тегін компьютерлік курс ашылды. Бұл Kaspi Bank-тің қолдауы арқасында мүмкін болып отыр.
Қарт адамдарды қолдаудың «50+» бағдарламасы бүгінде әлемнің көптеген елдерінде бар. «Нұр-Жақсылық» қоғамдық қорының бұл бағытта Алматыда курс ұйымдастыру бастамасын Kapsi bank компьютерлер бөлу арқылы қолдады. Жоба аға буын өкілдеріне жаңа білім алумен қатар, әлеуметтік желі арқылы байланыстарын көбейтуге, тіпті жұмысқа тұруға көмектеседі.
«Көптеген отандық компаниялар біздің түлектерді кәсіби дайындықтың белгілі бір деңгейіне жетсе, фрилансер ретінде жұмысқа алуға ниетті екендіктерін білдірді», дейді «Нұр-Жақсылық» ҚҚ-ның атқарушы директор Яна Искакова.
Курсқа қоғамдық қордың 2926000, 2922812, 701 4773256 телефондары арқылы жазылуға болады.