Lamoda.kz төлемдерді kaspi bank арқылы қабылдайды
Киім сататын ең ірі интернет дүкендердің бірі Lamoda.kz жаңа қызметті енгізеді – тапсырысқа банк картасы арқылы төлемді kaspi bank-тің POS-терминалдары арқылы жасауға болады. Енді интернет дүкен арқылы тапсырыс жасаған клиентте таңдау бар: төлемді қолма-қол немесе кез-келген банктің төлем картасы арқылы жасай алады. kaspi bank lamoda.kz-тің серіктесі болды және компанияның тауар жеткізуші қызметкерлерін заманауи төлем терминалдарымен жабдықтады.
«Бізге өзіміз енген кез-келген нарықты өзгерткен ұнайды және біздің көзқарасымыз бойыншаLamodaқазір Қазақстандағы киім сатып алу әдетін өзгертуде. Біз жетекші интернет дүкенімен бірлескен бастаманы қуана қолдаймыз, дейді жаңалық туралы kaspibank төрағасы Михаил Ломтадзе. Біз қолма-қол емес төлемдерге сенеміз. Бұл қолма-қол төлемнен әлдеқайда жеңіл, ыңғайлы және қауіпсіз. Біздің төлем терминалдары арқылы төлеу кезінде біз клиенттерден комиссия алмаймыз».
Lamoda интернет дүкені бастапқыда Қазақстанда біріші болып клиенттермен ауқымды жұмыс істей бастады және тауарды жеткізу кезінде қолма-қол төлем жүргізді. Тәжірибе көрсеткендей бұл клиенттердің басым бөлігіне ұнады. Бір жылдың ішінде Lamoda.kz үш еседен астам өсті, сондықтан компания басшылығы төлемнің жаңа түрін енгізуді шешті.
«Қызметкерлер тауарды жеткізген сәтте төлем картасы арқылы төлеу біздің интернет дүкен арқылы сауда жасауды жеңілдетеді деп ойлаймын. Қазақстанда алғашқылардың бірі болып осы қызметті енгізгеніміз үшін қуаныштымын. Әсіресе бұл істе Қазақстандағы ең ірі бөлшек және инновациялық банк kaspi-дің серіктесіміз болғаны қуантады», - деп атап өттіLamoda.kz бас директоры Алексиос Шо.
Жаңа қызметті қазірдің өзінде алматылықтар қолдана алады. Жақын арада Lamoda Express қызметі бар басқа қалаларда да kaspi bank-тің төлем терминалдары арқылы төлем жасау іске қосылады. Қазіргі кезде мұндай мүмкіндікке 9 қала ие.
Қазіргі кезде Алматыдағы Lamoda Express-тің әрбір қызметкері POS-терминал -мен қамтылған және клиенттердің сұранысына сай бұл қызметті ұсына алады.
Lamoda.kz интернет дүкеніне осы төлем жүйесінің қосылуы онлайн сауданы ыңғайлы және қауіпсіз етеді.