«Kaspi Bank» АҚ акционерлері үшін 2018 жылғы 19 қарашада өткен Банк акционерлерінің Кезектен тыс жалпы жиналысында дауыс беру қорытындылары туралы ақпараттық хабарлама

«Kaspi Bank» АҚ акционерлерінің назарына

«Акционерлік қоғамдар туралы» 2003 жылғы 13 мамырдағы № 415-II ҚР Заңының 51-бабының 6-тармағына сәйкес «Kaspi Bank» акционерлік қоғамы 2018 жылғы 19 қарашада өткен акционерлердің Кезектен тыс жалпы жиналысында дауыс беру қорытындылары туралы хабарлайды.

17 347 716 дауыс беретін акцияны (Банктің дауыс беретін акцияларының жалпы санының 98,8%) иеленетін акционердің өкілі қатысты.

Күн тәртібі мәселелері жөнінде келесі шешімдер қабылданды:

1. «Kaspi Bank» АҚ акционерлерінің жалпы жиналысының күн тәртібі бекітілсін:
   1. «Kaspi Bank» акционерлік қоғамы акционерлерінің Кезектен тыс жалпы жиналысының күн тәртібін бекіту туралы;
   2. «Kaspi Bank» акционерлік қоғамының Жарғысына өзгерістер мен толықтырулар енгізу туралы;
   3. Орналастырылған акцияларды сатып алу ережесіне және Акцияларды қоғам сатып алған кезде олардың құнын анықтау әдістемесіне енгізілетін өзгерістерді бекіту туралы.

   «Жақтады» - 17 347 716 дауыс

2. «Kaspi Bank» АҚ-тың Жарғысына енгізілетін өзгерістер мен толықтырулар бекітілсін.

   «Kaspi Bank» АҚ Басқарма Төрағасына «Kaspi Bank» АҚ-тың Жарғысына енгізілетін өзгерістер мен толықтыруларға қол қоюға, өзгерістер мен толықтыруларды нотариатта куәландыруға, әділет органдарына тиісті түрде хабарлауға және өзгерістер мен толықтырулардың нотариатта куәландырылған көшірмесін Қазақстан Республикасының Ұлттық Банкіне жіберуге уәкілеттік берілсін.

   «Жақтады» - 17 347 716 дауыс



3. Жаңа редакцияда бекіту арқылы Орналастырылған акцияларды сатып алу ережесіне және Акцияларды қоғам сатып алған кезде олардың құнын анықтау әдістемесіне енгізілетін өзгерістер бекітілсін.

   «Жақтады» - 17 347 716 дауыс