Kaspi Bank-тің Ақтөбе қаласындағы жұмысы туралы ақпарат
Ақтөбедегі антитеррорлық операцияға байланысты және террористік қауіптіліктің «қызыл» деңгейі белгіленгендіктен, Kaspi Bank-ке осы қаладағы жұмысы туралы сұрақтар келіп түсуде.
- Ақтөбе қаласында Kaspi бөлімшелері неге жабық?
Ақтөбе қаласы антитеррорлық режимде жұмыс істеуде, коменданттық сағат енгізілген. Сондықтан банк бөлімшелерінің жұмысы уақытша тоқтатылды.
- Ақтөбе қаласындағы Kaspi бөлімшелері қашан ашылады?
ҚР ІІМ террористік қауіптің төмендегені туралы хабарлап, қалада коменданттық сағат тоқтаған соң бірден ашылады.
- Егер мен кредит бойынша төлемесем, мерзімінен кешіктірген боламын ба?
Жоқ. Антитеррорлық қауіп кезеңі мен коменданттық сағат кезінде Kaspi өсімпұл қосуды тоқтатады, Ақтөбе қ.тұрғындары кредиттері бойынша өсімпұл болмайды.
- Ақтөбе қ. Kaspi банкоматтары мен терминалдары жұмыс істеп тұр ма?
Өкінішке қарай, қазіргі кезде Ақтөбе қ.терминалдар мен банкоматтар қызмет көрсетпейді.
Біз Ақтөбедегі жағдай жақын уақытта қалыпқа түседі деп үміттенеміз, Kaspi Bank-тің барлық бөлімшелері қалыпты жағдайда жұмыс істеуге дайын.
Баспасөз үшін байланыс мәліметтері:
Kaspi
+7 (727) 258 59 55 (2945)
+7(701) 531 83 47
pr@kaspibank.kz
Алматы - Қазақстан – 06 маусым 2016 ж - Kaspi