ХАБАРЛАМА

«Kaspi Bank» акционерлік қоғамы (бұдан әрі – Банк) 2015 жылғы 12 тамызда жергілікті уақыт бойынша сағат 10.00-де 050013, Алматы қ., Наурызбай батыр к-сі, 154 «А» мекенжайында орналасқан Банктің атқарушы органының орналасқан жерінде Банктің Директорлар кеңесінің бастамасымен шақыртылатын «Kaspi Bank» АҚ акционерлерінің кезектен тыс жалпы жиналысы өтетіні туралы хабарлайды. Акционерлердің жалпы жиналысына қатысуға құқығы бар акционерлер тізімін жасау күні – 2015 ж. 13 шілде 00:00.

Күн тәртібінде:

1. Күн тәртібін бекіту;


2. «Kaspi Bank» АҚ-тың Жарғысына өзгерістер мен толықтырулар енгізу туралы;


3. «Kaspi Bank» АҚ-тың Корпоративтік басқару кодексін жаңа редакцияда бекіту туралы;


4. «Kaspi Bank» АҚ-тың Директорлар кеңесі туралы ережені жаңа редакцияда бекіту туралы;


5. «Kaspi Bank» АҚ-тың акциялары бойынша дивидендтер төлеу және «Kaspi Bank» АҚ-тың бір акциясына есептегенде дивидендтердің мөлшерін бекіту туралы;


6. «Kaspi Bank» АҚ есептеу комиссиясының мүшелерінің өкілеттіктерін мерзімінен бұрын тоқтату туралы;


7. «Kaspi Bank» АҚ есептеу комиссиясының жаңа мүшелерін сайлау және олардың өкілеттіктерінің мерзімін анықтау туралы.

2015 ж. 31 шілдеден бастап акционерлер танысу үшін күн тәртібінің сұрақтары жөніндегі материалдар 050013, Алматы қ., Наурызбай батыр к-сі, 154 «А» мекенжайында («Kaspi Bank» АҚ-тың ДКА Меншікті капитал бөлімінде) қолжетімді болады. Акционерлердің жалпы жиналысына қатысушыларды тіркеу 2015 ж. 12 тамызда сағат 9.30 минуттан басталады. Кворум болмаған жағдайда, акционерлердің екінші жалпы жиналысы 050013, Қазақстан Республикасы, Алматы қ., Наурызбай батыр к-сі, 154 «А» мекенжайында 2015 ж. 13 тамызда жергілікті уақыт бойынша сағат 10.00-де өткізіледі.

Өзіңізбен бірге жеке басты куәландыратын құжат болуы керек.

Акционерлердің жалпы жиналысына қатысуға және онда дауыс беруге құқығы бар акционерлердiң тiзiмi жасалғаннан кейiн осы тiзiмге енгiзiлген тұлға қоғамның оған тиесілі дауыс беретін акцияларын иеліктен айырған жағдайда, акционерлердің жалпы жиналысына қатысу құқығы жаңа акционерге ауысады. «Акционерлік қоғамдар туралы» Қазақстан Республикасы Заңының 39-бабының 2-тармағына сәйкес акцияға меншік құқығын растайтын құжаттар табыс етілуге тиіс.