«Каспийский» Банкінің  директорлар кеңесінің төрағасы Вячеслав Ким «Құрмет» орденімен марапатталды

Бүгін Астана қ. әкімшілігінде «Каспийский» Банкінің  директорлар Кеңесінің Төрағасы Вячеслав Ким «Құрмет» орденімен марапатталды. Құрметті мемлекеттік марапатты қала әкімі Асқар Мәмин тапсырды.

Қазақстандықтар «Құрмет» орденімен экономиканы, әлеуметтік саланы дамытуға сіңірген еңбегі үшін, мемлекеттік органдарда жасаған үлгілі қызметі және белсенді қоғамдық қызметі үшін марапатталады. Бүгін қала әкімінің қолынан түрлі марапатты алған 70-тен астам адам арасында В.Ким мырза қаржы секторының жалғыз өкілі болды.

Вячеслав Ким астаналық телеарнаға берген сұхбатында айтқандай, «бұл марапат оған банкир ретінде емес, азамат ретінде берілді, сонымен қатар «Құрмет» ордені – бұл «Каспийский» банкінің барлық қызметкерлерінің еңбегі әрі мақтанышы». 

Қазақстандық үкімет билігінің банк саласы өкілін осы құрметке лайық деп табуына, «Каспийский» Банкінің айқын әлеуметтік бағытталуы себеп.
Банктің әлеуметтік мәселелерге көңіл бөлуінің айғағы ретінде «Мәскеу» құрылыс кешенінің тарихын мысалыға алса болады. 2003-жылдың күзінде ойдағыдай басталған 23 қабатты «Мәскеу» құрылысы, екі жылдан кейін салушы-компанияның проблемаларының салдарынан тоқтатылғаны белгілі.

Осы компанияның несиегері болған «Каспийский» Банкінің директорлар кеңесі, нысанның әрі қарай салынуына қолдау көрсетуге шешім қабылдады. Нәтижесінде, осы жылдың көктемінде тұрғын үй кешенінің бірінші кезегі өткізіліп, жүздеген үлескерлер жаңа пәтерлерге қоныс аударды. Құрылыс секторының «Каспийский» Банкінің бизнесі үшін аса басым еместігіне және  несие портфелінің 10% жуығын ғана құрайтынына қарамастан, «Мәскеуге» әлеуметтік маңызды жоба ретінде қолдау көрсетілді.

Мемлекеттік құрметпен марапатталғандардың көбісі білім беру, денсаулық сақтау және мәдениет салаларын дамытуға үлес қосқан Астана тұрғындары.