kaspi bank $200 млн. евробонд алды және Қазақстанның банк саласына инвесторлардың сенімін арттырды

kaspi bank халықаралық капитал нарығынан 200 миллион доллар тартты. Бұл Қазақстанның банк секторы үшін маңызды оқиға. Өйткені мұндай келісім соңғы 2 жылдан бері бірінші рет жасалып отыр. Сарапшылардың пікірінше kaspi bank-тің қаржы тартуы қазақстандық банктер үшін халықаралық капитал нарығына жол ашады және инвесторлардың сенімін оралтады.

- Бізге шетелдік инвесторлардың сенімін оралту үшін күресуге тура келді, 200 миллион доллар тартуымыз біздің мақсатымызға жеткенімізді көрсетеді,-дейді kaspi bank-тің басқарма төрағасы Михаил Ломтадзе.-Көлемі бойынша аса көп емес келісім капитал нарығында аса назар аудартқан оқиға болды, сондықтан біздің банк нарығы үшін тарихи маңызы бар.

kaspi-дің жетістіктері мен жұмыс нәтижесі Халықаралық инвесторларды таңқалдыра алды. Бұл тұрғыда таныстырылым Швейцария, Ұлыбритания мен АҚШ-та өтті. 200 миллион долларлық қаржы 3 жылға беріліп отыр. Купон 9,875%.

- Инвесторлардың негізгі сұрағы Қазақстанның банк саласына келудің қажеті бар ма, жоқ па, болды. Өйткені біз кездескен әрбір инвестор әлемдік қаржы дағдарысы кезіндегі банктерді қайта құрылымдау барысында салған қаражатын жоғалтқан, -дейді Ломтадзе мырза.-Біз инвесторлардың оралуы үшін үлкен күш жұмсадық және болашақта Қазақстандық банктерге деген сенім күшейе түседі деп сенеміз.