2021 жылғы 24 маусымда өткен «Kaspi Bank» акционерлік қоғамының
АКЦИОНЕРЛЕРІНІҢ ЖАЛПЫ ЖИНАЛЫСЫНДА ДАУЫС БЕРУ ҚОРЫТЫНДЫЛАРЫ
«Kaspi Bank» АҚ акционерлерінің назарына
«Акционерлік қоғамдар туралы» 2003 жылғы 13 мамырдағы № 415-II ҚР Заңының 51-бабының 6-тармағына сәйкес «Kaspi Bank» акционерлік қоғамы 2021 жылғы 24 маусымда өткен акционерлердің Кезектен тыс жалпы жиналысында дауыс беру қорытындылары туралы хабарлайды.
17 347 729 дауыс беретін акцияны («Kaspi Bank» АҚ-тың дауыс беретін акцияларының жалпы санының 94,6%) иеленетін акционердің өкілі қатысты.
Күн тәртібі мәселелері бойынша келесі шешімдер қабылданды:
1. «Kaspi Bank» АҚ акционерлерінің Кезектен тыс жалпы жиналысының күн тәртібі бекітілсін:
Күн тәртібі:
1) «Kaspi Bank» акционерлік қоғамының акционерлерінің Кезектен тыс жалпы жиналысының күн тәртібін бекіту туралы;
2) Есеп комиссиясының сандық құрамын және өкілеттік мерзімін белгілеу, оның мүшелерін сайлау туралы;
3) «Kaspi Bank» АҚ-тың жай акциялары бойынша дивиденд төлеу және қоғамның бір акциясына шаққандағы дивиденд мөлшерін бекіту туралы.
«Жақтағандар» - 17 347 729 дауыс
2. 2018 жылғы 09 шілдеде Акционерлердің жалпы жиналысында сайланған Есеп комиссиясының өкілеттіктері мерзімінен бұрын тоқтатылсын.
3 адамнан тұратын Есеп комиссиясы сайлансын, өкілеттік мерзімі тиісті акционерлердің Жалпы жиналысында қайта сайланғанға дейін:
Жеке:
Есеп комиссиясының төрайымы:
Цой Наталья Абильсоновна;
Есеп комиссиясының мүшелері:
Монанникова-Дзюбак Елена Владимировна;
Жангирбаева Асия Сергазиевна.
«Жақтағандар» - 17 347 729 дауыс
3. Банктің жай және артықшылықты акциялары бойынша бір акцияға 2510 теңге мөлшерінде дивиденд төленсін:
Төлеу кезеңі – 2020 жыл.
Төлеу басталатын күн: 24 маусым 2021ж.
Банктің акциялары бойынша дивидендтерді төлеу акционерлердің жалпы жиналысы шешім қабылдаған күннен кейінгі күннен бастап күнтізбелік тоқсан күннен кешіктірілмей жүзеге асырылады.
Қоғамда немесе бағалы қағаздарды ұстаушылар тізілімдерінің жүйесінде немесе номиналды ұстауды есепке алу жүйесінде акционердің жаңартылған деректемелері туралы мәліметтер болмаған жағдайда, қоғамның жай акциялары бойынша дивидендтерді төлеу уәкілетті органның нормативтік құқықтық актісінде айқындалған тәртіппен және мерзімдерде, талап етілмеген ақшаны есепке алу үшін орталық депозитарийде ашылған шотқа жүзеге асырылуға тиіс.
«Жақтағандар» - 17 347 729 дауыс
