Деміңді алшы, балақай!
kaspi bank-інің серіктесі «Аяла» қайырымдылық қоры мен Британ-Қазақ қауымдастығы Қызылорда облыстық перинаталдық орталығы үшін қаражат жинау бойынша әлемдік скрипка музыкасы жұлдыздарының концертін ұйымдастырды.
2 мамырда өткен концерттің фронмені Марат Бисенғалиев болды. Сондай-ақ концертке Жамбыл атындағы филормонияның Қазақ Мемлекеттік академиялық симфониялық оркестрі мен Лондондық филармониялық және симфониялық оркестрдің жұлдыздары Ғалия мен Әмір Бисенғалиевтар қатысты.
Іс-шараға дайындалу барысындағы барлық қаражат, ал бұл шамамен 17 миллион теңге, сондай-ақ «АЯЛА» қайырымдылық қорының бокстарында жиналатын ақша Қызылорда қ. «Деміңді алшы, балақай» жобасын жүзеге асыруға жіберілетін болады.
«АЯЛА» қайырымдылық қоры «Деміңді алшы, балақай» жобасын 2008 жылы бастаған болатын. Осы жобаны жүзеге асыру аясында Алматы, Өскемен, Семей, Қарағанды, Атырау және Тараз қалаларындағы перзентханалар мен перинаталдық орталықтарындағы жан сақтау бөлімдерінің балалар бөлімшелері аса қажетті жабдыққа қол жеткізді. Ақтөбе қаласының облыстық перинаталдық орталығы үшін жабдық сатып алынды.
«АЯЛА» қорымен ынтымақтастық орнатқан 5 жылдың ішінде kaspi bank Алматыдағы балалар ауруханалары мен перзентханаларына шамамен 66 миллион теңге аударды. Банктің қаржыландыруының арқасында қор еліміздің босанатын әйелдерге медицина жәрдемін беретін ірі мекемеде – жылына 7,5 мың бала дүниеге келетін Алматыдағы Перинаталдық орталықта шала туылған балалардың өмірін сақтап қалу үшін қажетті барлық жабдықты орнатты. Бұл Алматы қаласындағы перинаталдық орталықта шала туылған балалардың өмірін сақтап қалуды 5 есеге 5% бастап 24% дейін көтерді. Нәтижелерді көре отырып, банк екінші кезеңді қаржыландыруды толық өз мойнына алды, Алматының барлық перзентханаларын бірегей жабдықпен жабдықтады.
«Біз «АЯЛА» қорын қолдаймыз, себебі ол жаңа туылған сәбилердің өмірін сақтап қалу мәселесін жүйелі түрде шешуге бағытталған. Өйткені оның көмегімен мыңдаған қазақстандық отбасы бақытты болады», - деп түсіндіреді басқарушы директор Лариса Пак.
