Баспасөз-релизі: «Қаржы мәдениеті» конкурсының жеңімпаздары анықталды
17 қаңтарда өткен Қоғамдық кеңестің отырысында «Қаржы мәдениеті» бағдарламасы аясында гранттар конкурсына үміткерлердің өтініштері қаралып, жеңімпаздар анықталды.
Ұсынылған 140 өтініштің ішінен жалпы көлемі 100 миллион теңгеден асатын 18 жоба іріктеліп алынды. Еске сала кетейік, гранттар конкурсына бөлінген жалпы сома 180 000 000 теңге.
Жеңімпаздар қатарында– тележобалар, оқушыларға арналған кітаптар, комикстер, бүкіл ел аумағында лекциялар мен семинарлар өткізу, мүмкіндігі шектеулі жандарға арналған және онлайн білім беру жобалары бар.
Жеңімпаздар тізімі қосымшада тіркелген.
Қоғамдық кеңестің шешімі бойынша Атырау және Маңғыстау облыстары бойынша қосымша жобалар ұйымдастырылады және қалған сома бойынша гранттар конкурсының екінші туры өткізіледі.
ашу
