Kaspi Bank» акционерлік қоғамының
АКЦИОНЕРЛЕРІНІҢ ЖАЛПЫ ЖИНАЛЫСЫН ӨТКІЗУ ТУРАЛЫ ХАБАРЛАМА
Қоғамның атауы: «Kaspi Bank» акционерлік қоғамы.
Атқарушы органның орналасқан жері: Қазақстан Республикасы, 050013, Алматы қ., Наурызбай батыр к-сі, 154 «А».
«Kaspi Bank» акционерлік қоғамының Директорлар кеңесі Қазақстан Республикасының «Акционерлік қоғамдар туралы» 2003 жылғы 13 мамырдағы № 415-II Заңының (бұдан әрі – Акционерлік қоғамдар туралы заң) 37-бабының 2-тармағының 1-тармақшасына және 41-бабына сәйкес, жиналысты шақыруға бастама көтеруші ретінде, 2021 жылғы 24 маусымда жергілікті уақытпен сағат 10-00-де 050013, Алматы қ., Наурызбай батыр к-сі, 154 «А» мекенжайында «Kaspi Bank» АҚ акционерлерінің Кезектен тыс жалпы жиналысының (бұдан әрі – акционерлердің жалпы жиналысы) өткізілетінін хабарлайды.
Жиналысқа қатысушыларды тіркеу жиналыс өткізілетін жерде жергілікті уақытпен сағат 09:30-да басталып, жергілікті уақытпен сағат 10-00-де аяқталады.
Өзімен бірге жеке басын куәландыратын құжатын әкелу керек.
Егер акционерлердің жалпы жиналысына қатысуға және онда дауыс беруге құқығы бар акционерлердің тізімі жасақталғаннан кейін осы тізімге енгізілген адам өзіне тиесілі қоғамның дауыс беруші акцияларын иелігінен шығарған жағдайда, акционерлердің жалпы жиналысына қатысу құқығы жаңа акционерге ауысады. Акционерлік қоғамдар туралы заңның 39-бабының 2-тармағына сәйкес акцияларға меншік құқығын растайтын құжаттар ұсынылуға тиіс.
Кворум болмаған жағдайда, акционерлердің қайта шақырылған жалпы жиналысы 2021ж. 25 маусымда жергілікті уақытпен сағат 10-00-де 050013, Алматы қ., Наурызбай батыр к-сі, 154 «А» мекенжайында өткізіледі.
Акционерлердің жалпы жиналысына қатысуға құқығы бар акционерлердің тізімі жасақталатын күн – 25 мамыр 2021 ж.
Күн тәртібі:
1. «Kaspi Bank» акционерлік қоғамы акционерлерінің Кезектен тыс жалпы жиналысының күн тәртібін бекіту туралы;
2. Есеп комиссиясының сандық құрамын және өкілеттік мерзімін айқындау, оның мүшелерін сайлау туралы;
3. «Kaspi Bank» АҚ-тың жай акциялары бойынша дивиденд төлеу және қоғамның бір акциясына шаққандағы дивиденд мөлшерін бекіту туралы.
Акционерлік қоғамдар туралы заңның 44-бабының 4-тармағына сай күн тәртібіндегі мәселелер бойынша материалдар акционерлердің танысуы үшін жиналыс өткізілетін күнге дейін он күн бұрын 050013, Алматы қ., Наурызбай батыр к-сі, 154 «А» мекенжайында қолжетімді болады. Акционерлердің жалпы жиналысын өткізуге қатысты ақпаратпен «Kaspi Bank» АҚ Корпоративтік басқару департаментінде мына телефон бойынша танысуға болады: 8(727)356 34 23.
Акционерлердің жалпы жиналысын өткізу тәртібі Акционерлік қоғамдар туралы заңның 48-бабына сәйкес жүзеге асырылады.
Жиналыста сырттай дауыс беру қолданылмайды.
