Сенімділік дәлелі

Kaspi bank PCI DSS төлем карталары индустриясының халықаралық деректер қауіпсіздігі стандарттарына сәйкес келу сертификатын алды. Бұл сертификат карталарымызды ұстаушылардың деректерінің технологиялық қорғалуының жоғарғы деңгейін растайды және Банк сенімділігі туралы мәлімдейді.

Сертификатты алу үшін kaspi bank АТ-инфрақұрылымды, жүйелерді, сондай-ақ төлем карталарының деректерін өңдеуге, сақтауға және беруге байланысты үрдістерді стандарт талаптарына сәйкестендіріп, аудиттен өтуі керек болды, оны тек QSA (Qualified Security Assessor) статусы бар сертификацияланған PCI Security Standards Council компаниялары өткізеді.

Банк таңдаған «ДиалогНаука» ресей компаниясының аудиторлары аудит саласына кіретін барлық жүйелерді тексерді, сондай-ақ карталық үрдістерге жауап беретін қызметкерлермен интервью жүргізді.

Қорытындысында, аудиторлар kaspi-дің кез келген картасын – несиелік, дебеттік, «қалтадағы депозит» картасын ұстаушылардың алаңдамауына болатынына көз жеткізді, себебі біздің Банк олардың қаражатын алаяқтардан, ал деректерді жайылып кетуден сенімді қорғайды.

«Сертификат алу – бұл ең алғашқы, негізгі әрі күрделі қадам, - деп түсіндірді банктің АТ-блогына жетекшілік ететін Мамука Кирвалидзе. – Содан кейін оны жыл сайын растап отыру керек. Бірақ бұл әлдеқайда оңай, өйткені біз ары қарай да қауіпсіздіктің қазіргі деңгейін ұстап тұрамыз және тұрақты түрде стандарт талаптарына сәйкестігін сақтап отырамыз».