kaspi bank-тің клиенттері бүкіл еліміз бойынша 5 мың терминал арқылы комиссиясыз ұялы телефонның балансын толықтырып, басқа да төлемдерді жасай алады.
kaspi bank Қазақстанның барлық ірі қалаларында төлемдерді қабылдайтын 5 мың терминал орнатпақшы. Алдымыздағы айдың ішінде Алматыда алғашқы 100 терминал орнатылады. kaspi bank терминалдары комиссиясыз төлемдер қабылдайтын болады.
Жұмысқа немесе үйге жақын орнатылған терминалдар желісінің арқасында жақында kaspi bank-тің клиенттеріне қажетті қызметті алу үшін бөлімшеге барудың қажеті болмайды.
- 2012 жылдың ішінде 3 миллионға жуық клиент kaspi bank-тің қызметін пайдаланды, – деп түсіндірді жаңалықты kaspi bank-тің басқарма төрағасы Михаил Ломтадзе. – Комиссиясыз төлемдер қабылдау терминалдарының өз желісін құру – біздің банктің тарапынан клиенттердің ыңғайына қарай жасалған тағы бір үлкен қадам. Бүгін қазақстандықтар ұялы телефонның балансын толықтырғанда немесе басқа қызметтің ақысын төлеген кезде комиссия төлейді. Біз мұны өзгертіп, клиенттерімізге мұндай төлемдерді ешқандай комиссиясыз төлеуге мүмкіндік береміз. Бұл Қазақстанда болып көрген емес, клиенттерімізге біздің тегін төлем терминалдарымызды пайдаланған ұнайтынына сенімдіміз.
Сондай-ақ 2013 жылдың ішінде kaspi bank сатылым желілерін кеңейтуді және жаңа бөлімшелер ашуды жалғастырмақшы.