«Kaspi Bank» АҚ акционерлері үшін 2018 жылғы 24 қарашада өткен Банк акционерлерінің Кезектен тыс жалпы жиналысында дауыс беру қорытындылары туралы ақпараттық хабарлама
«Kaspi Bank» АҚ акционерлерінің назарына
«Акционерлік қоғамдар туралы» 2003 жылғы 13 мамырдағы № 415-II ҚР Заңының 51-бабының 6-тармағына сәйкес «Kaspi Bank» акционерлік қоғамы 2018 жылғы 24 қарашада өткен акционерлердің Кезектен тыс жалпы жиналысында дауыс беру қорытындылары туралы хабарлайды.
17 347 716 дауыс беретін акцияны (Банктің дауыс беретін акцияларының жалпы санының 98,8%) иеленетін акционердің өкілі қатысты.
Күн тәртібі мәселелері жөнінде келесі шешімдер қабылданды:
1. Өзгерістер ескеріліп, «Kaspi Bank» АҚ акционерлерінің жалпы жиналысының күн тәртібі бекітілсін:
Күн тәртібі:
- «Kaspi Bank» акционерлік қоғамы акционерлерінің Кезектен тыс жалпы жиналысының күн тәртібін бекіту туралы;
- «Kaspi Bank» АҚ-тың Жарғысына өзгерістер енгізу туралы;
- «Орналастырылған акцияларды сатып алу ережесі және акцияларды қоғам сатып алған кезде олардың құнын анықтау әдістемесі» деген ішкі нормативтік құжатқа өзгерістер енгізу туралы;
- «Kaspi Bank» акционерлік қоғамының Директорлар кеңесі туралы қағида» деген ішкі нормативтік құжатқа өзгерістер енгізу туралы.
«Жақтады» – 17 347 716 дауыс
2. «Kaspi Bank» АҚ-тың Жарғысына енгізілетін өзгерістер бекітілсін. «Kaspi Bank» АҚ Басқарма Төрағасының міндетін атқарушыға «Kaspi Bank» АҚ-тың Жарғысына енгізілетін өзгерістерге қол қоюға, өзгерістерді нотариатта куәландыруға, әділет органдарына тиісті түрде хабарлауға және өзгерістердің нотариатта куәландырылған көшірмесін Қазақстан Республикасының Ұлттық Банкіне жіберуге уәкілеттік берілсін.
«Жақтады» – 17 347 716 дауыс
3. Жаңа редакцияда бекіту арқылы «Орналастырылған акцияларды сатып алу ережесі және акцияларды қоғам сатып алған кезде олардың құнын анықтау әдістемесі» деген ішкі нормативтік құжатқа (бұдан әрі – Ереже) енгізілген өзгерістер бекітілсін. Ереженің Банктің акционерлерінің Кезектен тыс жалпы жиналысының шешімімен бекітілген редакциясының – 2018 жылғы 19 қарашадағы №41 хаттаманың күші жойылды деп танылсын.
«Жақтады» – 17 347 716 дауыс
4. Жаңа редакцияда бекіту арқылы «Kaspi Bank» акционерлік қоғамының Директорлар кеңесі туралы қағида» деген ішкі нормативтік құжатқа (бұдан әрі – Қағида) енгізілген өзгерістер бекітілсін. Қағиданың Банктің акционерлерінің Жылдық жалпы жиналысының шешімімен бекітілген редакциясының – 2017 жылғы 29 мамырдағы №34 хаттаманың күші жойылды деп танылсын.
«Жақтады» – 17 347 716 дауыс
