kaspi bank теңгедегі депозит бойынша сыйақының мөлшерлемесін арттырды
ҚҰРМЕТТІ КЛИЕНТТЕР!
Қазақстанның депозиттерге кепілдік беру қорының (ҚДКБҚ) ұсынымдарының мөлшерлемелеріне байланысты «Kaspi Bank» АҚ депозиттер бойынша мөлшерлемелердің мынадай өзгерістері туралы хабарлайды:
Теңгедегі депозиттер
2014 жылғы 11 наурыздан бастап теңгедегі салымдар бойынша жылдық тиімді мөлшерлеме 9,4%-дан 10,5%-ға дейін көбейеді (номиналды мөлшерлеме – жылдық 10,0%);
2014 жылғы 1 наурыздан ерте ашылған салымдар бойынша мөлшерлемелер шарттың қолданылу мерзімі аяқталғанға дейін өзгеріссіз (шартта көрсетілген мөлшерде) қалады. Шарттың мерзімін ұзартқан кезде жаңа сыйақы мөлшерлемелері қолданылады.
Бұрын банктен теңгедегі депозиттеріне +1% сыйлыққа алған барлық салымшыларымызда 10,5% мөлшерлемесі қалады, себебі банк Қазақстанның депозиттерге кепілдік беру қоры ұсынған деңгейден жоғары мөлшерлеме бере алмайды.
Жаңа көбейтілген мөлшерлеме 2014 жылғы 11 наурыздан бастап ұлттық валютада депозит ашатын барлық жаңа салымшыларға беріледі.
Доллардағы депозиттер
2014 жылғы 1 сәуірден бастап доллардағы депозиттер бойынша сыйақының жылдық тиімді мөлшерлемесі 4,6%-дан 4,1%-ға дейін азаяды (номиналды мөлшерлеме 4,5%-дан 4%-ға ауысады)
2014 жылғы 1 сәуірден ерте ашылған доллардағы салымдар бойынша мөлшерлемелер шарттың қолданылу мерзімі аяқталғанға дейін өзгеріссіз (шартта көрсетілген мөлшерде) қалады. Шарттың мерзімін ұзартқан кезде жаңа сыйақы мөлшерлемелері қолданылады.
2014 жылғы 1 сәуірден бастап ашылған доллардағы депозиттер 4,1% мөлшеріндегі жылдық тиімді мөлшерлеме бойынша ресімделеді.
Еуродағы депозиттер
Еурода ашылған депозиттер бойынша жылдық тиімді мөлшерлеме 3,9% деңгейінде өзгеріссіз қалады (номиналды мөлшерлеме 3,8%).
«Kaspi Bank» АҚ-ның депозиттер бойынша мөлшерлемелері есептелетін сыйақы тұрғысынан бұрынғыдай Қазақстанның банктік нарығындағы ең тартымды мөлшерлемелердің бірі болып қалады, ал депозиттерді басқару шарттары ең икемді шарттар болып табылады.
Құрметпен, kaspi bank