Қаржылық жағдайдың нашарлауына байланысты банк қарызы шартының талаптарын өзгерту
Құрметті Клиенттер!
«Kaspi Bank» АҚ-тың (бұдан әрі – Банк) банк қарызы шартының талаптарына өзгерістер енгізу туралы Клиенттердің өтініштерін қарастыру тәртібіне сәйкес, қаржылық жағдай нашарлағанда және кредитті өтеуге байланысты мәселелер туындағанда, соның ішінде міндеттемелерді орындау мерзімі өткізілген жағдайда, Клиент Kaspi-дің несие желілерін берудің стандарт ережелерінің аясында банк қарызы шартының талаптарын өзгерту үшін Банкке өтініш білдіруге құқылы.
Банк қарызы шартының талаптарына өзгерістер енгізу мүмкіндігін қарастыру үшін Клиент Банктің бөлімшесіне барып, банк қарызы шартының талаптарына өзгерістер енгізу туралы өтінішін (бұдан әрі – Өтініш) беруі керек және өзгерістерді негіздейтін сұратылған құжаттарды оған қоса тіркеуі керек.
Банк сұратылған өзгерістерді негіздейтін жағдайларға (фактілерге) байланысты Өтінішті қарау үшін қажетті құжаттардың тізбесін өз бетінше айқындайды. Бұл ретте Клиент сұратылған құжаттар мен ақпаратты 5 (бес) жұмыс күні ішінде ұсынуы тиіс. Клиенттің сұратылған құжаттар мен ақпаратты көрсетілген мерзімде бермеуі Өтінішті қараусыз қалдыруға негіз болады, ол туралы жазбаша нысанда не банк қарызы шартында көзделген тәсілмен тиісті хабарлама жолданады.
Қарау мерзімі – Өтінішті алған күннен бастап күнтізбелік 15 (он бес) күн. Банк қарызы шартының талаптарына өзгерістер енгізу туралы шешім жеке тәртіппен қабылданады.