«Kaspi Bank» АҚ акционерлерінің назарына
18.01.2019 ж. «Kaspi Bank» АҚ (бұдан әрі – Банк) акционерлерінің Кезектен тыс жалпы жиналысында «Қазақстан қор биржасы» АҚ-тың ресми тізімінен «Kaspi Bank» АҚ-тың акцияларының ерікті делистингін жүргізу туралы шешім қабылданды.
Осыған байланысты 24.12.2018 ж. «Kaspi Bank» АҚ акционерлерінің Жалпы жиналысымен бекітілген Орналастырылған акцияларды сатып алу ережесі және Акцияларды қоғам сатып алған кезде олардың құнын анықтау әдістемесінің (бұдан әрі - Ереже) 31-тармағының 3-тармақшасына сәйкес шешім қабылданған күннен бастап отыз күннің ішінде Банктің акционерлерінің акцияларды сатып алуды талап ету құқығы пайда болады. Ереженің 37-тармағына сай Банктің акционерінің талабы бойынша Банктің акцияларды сатып алу бағасын Банк осы Ереженің 31-тармағында көрсетілген шешім қабылданған күннің алдындағы күнтізбелік айдың соңғы күніндегі жағдай бойынша Банктің таза активтерінің құнын Банктің орналастырылған акцияларының жалпы санына бөлу арқылы (сатып алынғандарды шегеріп) айқындайды. Акционерлер dku@kaspi.kz электрондық мекенжайы бойынша хабарласып, Ережемен толығырақ таныса алады.
Акцияларды сатып алу жөнінде талаптар қою үшін сайтта https://www.kaspibank.kz/news/file/27385426633_1.xls электрондық мекенжайында өтініштің нысаны орналастырылған, оған сай акционерлер акцияларды сатып алу жөнінде өз талаптарын білдіре алады.
Қосымша сұрақтар туындаған жағдайда «Kaspi Bank» АҚ Корпоративтік басқару департаментіне +7(727) 3553463 телефон нөмірі арқылы (жұмыс кезінде Алматы уақытымен сағат 09.00-ден 18.00-ге дейін), сондай-ақ dku@kaspi.kz электрондық мекенжайына хабарласуыңызға болады.
Акционердің оған тиесілі акцияларды сатып алуы туралы өтініші тіркеушіде ашылған дербес шоттың акционердің сатып алуға мәлімделген акцияларға құқығын растайтын үзінді көшірмесі және жеке куәліктің көшірмесі қоса тіркеліп, Банкке Атқарушы органның орналасқан жерінің ресми мекенжайы бойынша Алматы қ., Наурызбай батыр к-сі, 154 А мекенжайына жолдануы тиіс.
БАҚ мәселелері жөнінде:
Елена Дудка (Yelena.Dudka@kaspi.kz ; 258 59 55, ішкі: 1376)
