Клиенттерге ыңғайлы болу үшін kaspi bank 75 терминалды іске қосты

kaspi bank Қазақстанның 26 қаласында тұтынушылық бөлшек несиелерді төлеуге арналған 75 терминалды іске қоспақшы. Тұңғыш терминал 4 қараша күні Банктің бас кеңсесінде қосылған болатын. Бүгінгі таңда тұңғыш терминалды қосу және онымен жұмыс істеу тәжірибесін ескере отырып, Алматыда тағы да 5 терминал қосылды: «Жібек Жолы», «Алматы-1», «Ақсай», «Орталық» филиалдары мен Тимирязев көшесінің бойындағы бөлімшеде. Желтоқсан айының алғашқы онкүндігінде қалған барлық терминалдарды іске қосу жоспарланып отыр.

Терминалдарды орнату үшін бөлімшелерді таңдаған кезде клиент көп келетін бөлімшелерге артықшылық берілді. Адамдар ағылып келетін орындар таңдап алынды. «Жарты жыл бойы біз несие бойынша төлемдердің 45 % (айына шамамен 100 мың транзакция) өзіне қызмет көрсетуге арналған терминалдарға ауыстырмақшымыз. Сөйтіп, кезектерді қысқартып, клиенттеріміздің уақытын үнемдейтін боламыз», - дейді жобаларды басқарушы Елена Монанникова.

Пайдалануға ыңғайлы болу үшін терминалдың екі экраны бар. Жоғарысында клиенттерге арналған анықтамалық ақпарат бар, төменгісі тікелей операциялар жасауға арналған. Терминалды бірінші рет пайдаланып отырған клиентке кез келген сатылым менеджері кеңес бере алады.

Төлем жасау үшін азғана ақпарат енгізу қажет (СТН/шарттың нөмірі). Егер төлем картаның шарты бойынша жасалатын болса, оны өзіңізбен бірге ала келсеңіз болғаны, сонда картаны картридерге салған соң терминал клиентті өзі-ақ сәйкестендіріп алады.

Терминалды пайдалану қызметі тегін.

Уақыт өте келе мұндай терминалдар kaspi bank-інің барлық бөлімшелерінде орнатылатын болады.

Сіз үшін тағы не істей аламыз? 

Несие бойынша өздігінен төлем жасауға арналған терминалдар жұмыс істейтін бөлімшелердің тізімі ашу