Kaspi Bank 30 миллион теңгені білім саласын қолдауға бағыттады
15 ақпан күні Алматыдағы Kaspi Bank-тің бас офисінде «Taiburyl» қорының «Білімді қолдау» бағдарламасы аясында сертификаттарды тапсыру рәсімі өтті. 2014-2015 жылдары «Kaspi Bank» АҚ «Білімді қолдау» бағдарламасы бойынша 30 миллион теңге бөлген еді.
Сертификаттарды тапсыру рәсіміне «Kaspi Bank» АҚ Басқарма төрағасы Михаил Ломтадзе, «Kaspi Bank» АҚ Директорлар кеңесінің төрағасы Вячеслав Ким, «Taiburyl» ҚБ Басқарма төрағасы Олжас Худайбергенов қатысты.
Марапаттау рәсімінен кейін Михаил Ломтадзе мен Вячеслав Ким білімнің маңыздылығына тоқталып, студенттердің сұрақтарына жауап берді. Михаил Ломтадзе Гарвард Университетіне қалай түсіп, оқығаны туралы баяндады.
«Білім – біздің ең басты активіміз,-деді Михаил Ломтадзе.-Уақытыңызды біліміңізді арттыруға жұмсаңыздар. Жаңа білім көздерін ашып, айналаңызға тек білім бере алатын адамдарды жинаңыздар».
Вячеслав Ким, қазіргі кезде тоққтамастан оқи беру мүмкіндігі барын айтты. «Ақпарат мен әдебиеттердің ауқымдылығы әрқасымызға тұрақты түрде оқуға мүмкіндік береді. Уақыт жоғалтпаңыздар. Сіздердің алдарыңызда қызық болашақ күтіп тұр», деді ол.
Олжас Худайбергенов ең басты нәрсе студенттің оуға талпынып, әділ баға алуға тырысуы деді. «Биыл бізге 1000 өтініш келіп түсті. Оның ішінен комиссия 252 студентті таңдап алды», деді ол конкурс туралы ақпарат беріп. Худайбергеновтың сөзінше, қор демеуші болған мамандықтардың 80 пайызы техникалық, сонымен қатар тсепендия алғандардың 80 пайызы қыздар».
30 миллион теңгелік грантпен қатар Kaspi Bank степендианттардың әрқайсысына ай сайын шәкіртақысын алып тұратын картаны тегін ашып береді.