Kaspi Bank теңгедегі депозит бойынша мөлшерлемені 14,9%-ға дейін көтереді

Қазақстанның депозиттерге кепілдік беру қоры 2016 жылғы 1 ақпаннан бастап жеке тұлғалардың жаңадан тартылатын депозиттері бойынша сыйақының ықтимал ең жоғары жылдық мөлшерлемесін көтерді. Енді Kaspi Bank-те теңгедегі депозит бойынша тиімді мөлшерлеме – 14,9%.

Сонымен бірге Қазақстанның депозиттерге кепілдік беру қоры валютадағы депозиттер бойынша ықтимал ең жоғары жылдық мөлшерлемені 3%-дан 2%-ға дейін азайтты.

«Қазақстанның депозиттерге кепілдік беру қорының талаптарына сәйкес Kaspi Bank-тің депозиттерінің сыйақы мөлшерлемесі әрдайым ең жоғары болған, – дейді Kaspi Bank-тің Басқарма Төрағасы Михаил Ломтадзе. – Қордың шешімі клиенттерімізге теңгедегі Kaspi Депозиті бойынша 14,9% – ықтимал ең жоғары тиімді сыйақы мөлшерлемесін ұсынуға мүмкіндік береді».

Kaspi Депозиті – шамамен 500 000 қазақстандық пайдаланып отырған ең танымал депозиттердің бірі.

Kaspi Депозитін Kaspi Bank-тің кез келген бөлімшесінде бар-жоғы 5 минутта жеңіл әрі оңай ашуға болады. Депозит ашу үшін ең аз сома – 1000 теңге, 10 доллар немесе 10 еуро. Депозитті бүкіл еліміз бойынша 4000-нан астам Kaspi терминалдарынан толықтыруға болады және депозит жайлы ақпаратты үйден шықпай-ақ, банктің бөлімшесіне бармай-ақ, Kaspi.kz cайтынан тексеруге болады.

Сондай-ақ клиенттеріміз ай сайын пайыздың есептелгені туралы, депозиттен ақша алынған, оны толықтырған әрбір жағдай туралы және бонус есептелгені туралы ақпаратты тегін SMS-сервис арқылы алады.

Біздің барлық сүйікті салымшыларымыз – Kaspi Бонус әмбебап бағдарламасының қатысушылары және Kaspi.kz-те жасалған төлемнен және әлемнің кез келген дүкенінде Kaspi Bank-тің картасымен сатып алған кезде бонус алады.

Толығырақ ақпаратты Сіз Kaspi Bank-тің кез келген бөлімшесінде немесе 9999 нөмірі арқылы ала аласыз.