«Kaspi Bank» АҚ акционерлеріне арналған Банктің жай және артықшылықты акциялары бойынша дивиденд төлеу туралы ақпараттық хабарлама
«Kaspi Bank» АҚ акционерлерінің назарына
«Kaspi Bank» акционерлік қоғамы, орналасқан мекенжайы: 050013, Алматы қ., Наурызбай батыр к-сі, 154 «А», ЖСК KZ69125KZT1001300249, БСК NBRK KZ KX, КБе – 14, БСН 971240001315, Телефон: (727) 355-14-27, факс: (7272) 50-95-96. E-mail: office@bc.kz, 2024 жылғы 18 наурыздағы акционерлердің Жылдық жалпы жиналысының шешімі негізінде жай және артықшылықты акциялар бойынша бір акцияға 4000 теңге мөлшерінде дивиденд төленетінін хабарлайды. Дивиденд төлеуді бастайтын күн – 2024 жылғы 18 наурыз. Төлеу кезеңі – 2023 жыл. Банктің акциялары бойынша дивидендтерді төлеу акционерлердің жалпы жиналысы шешім қабылдаған күннен кейінгі күннен бастап күнтізбелік тоқсан күннен кешіктірілмей жүзеге асырылады.
Қоғамда немесе бағалы қағаздарды ұстаушылар тізілімдерінің жүйесінде акционердің жаңартылған деректемелері туралы мәліметтер болмаған жағдайда, қоғамның акциялары бойынша дивидендтерді төлеу уәкілетті органның нормативтік құқықтық актісінде айқындалған тәртіппен және мерзімдерде, талап етілмеген ақшаны есепке алу үшін орталық депозитарийде ашылған шотқа жүзеге асырылуға тиіс.