Халықаралық облигацияларды шығару және орналастыру туралы ақпарат

Осы арқылы «Kaspi Bank» АҚ (бұдан әрі – «Банк»), орналасқан мекенжайы: Алматы қ., 050013, Наурызбай батыр к-сі, 154 «А», «Бағалы қағаздар рыногы туралы» Қазақстан Республикасы Заңының 22-бабының 2-тармағындағы 2-бөлікке сәйкес халықаралық облигацияларды орналастыру туралы 2013 жылғы 25 қазандағы қабылданған шешім туралы хабарлайды.

Эмиссиялық бағалы қағаздардың шығарылымын мемлекеттік тіркеу күні: бағалы қағаздар шетел мемлекетінің заңнамасына сәйкес шығарылды; шетел мемлекеті аумағында Қазақстан Республикасының резидент ұйымдарының эмиссиялық бағалы қағаздарын шығаруға және орналастыруға рұқсатты 2013 ж. 24 қыркүйекте Қазақстан Республикасы Ұлттық Банкінің Қаржы нарығын және қаржы ұйымдарын бақылау мен қадағалау комитеті берді.

Эмиссиялық бағалы қағаздардың түрі: қамсыздандырылмаған халықаралық облигациялар;

Орналастырылуы тиіс эмиссиялық бағалы қағаздардың саны: 1 000 (бір мың) дана;

Эмитенттің бөлімшелері және лауазымды тұлғалары, андеррайтердің (эмиссиялық консорциумның) (олар арқылы эмиссиялық бағалы қағаздардың шығарылым проспектісімен немесе олар туралы басқа ақпаратпен танысуға болады) атауы мен орналасқан жері туралы мәліметтер:

Мәмілені ұйымдастырушылар:

• Бірлескен жетекші менеджерлер (Joint Lead Managers): J.P. Morgan Securities plc және VTB Capital plc;
• Қазақстандық ұйымдастырушы (Local Arranger): «RESMI» Инвестициялық Қаржы Үйі» АҚ;

Андеррайтер мен маркет-мейкердің байланысушы тұлғалары: Искаков Аманат, «RESMI» Инвестициялық Қаржы Үйі» АҚ-ның Трейдинг департаментінің директоры, тел.: +7 (727) 266-70-77, 266-71-77, e-mail: trading@resmi.kz;
Банктің байланысушы тұлғалары: Романенко Игорь, Қазынашылық директоры, тел.: +7 (727) 356-34-03, e-mail: Igor.Romanenko@kaspibank.kz; Дедикова Лариса, Қаржы институттары басқармасының бастығы, тел.: +7 (727) 356-34-19, e-mail: Larissa.Dedikova@kaspibank.kz.

Банктің халықаралық облигациялары 2013 ж. 29 қазаннан бастап «Рейтингтік бағасы бар борыштық бағалы қағаздар» санаты бойынша Ирландия қор биржасының (Irish Stock Exchange) ресми тізіміне және «Қазақстан қор биржасы» АҚ-ның ресми тізіміне енді.

Эмиссиялық бағалы қағаздарды орналастыру бағасы және олардың ақысы туралы мәліметтер:

• Номиналды құны: 200 000 (екі жүз мың) АҚШ доллары немесе 1 000 (бір мың) АҚШ долларына тең номиналмен;
• Купон: 9.875%;
• Кірістілік: 10.0%;
• Сыйақы төлеу: жылына 2 рет, 28 сәуір және 28 қазан;
• Орналастыру көлемі: 200 000 000 (екі жүз миллион) АҚШ доллары;
• Айналым кезеңі: 3 жыл
• Өтеу күні: 28 қазан 2016 ж.;
• Орналастыру бағасы: 99.684%