kaspi bank-інің клиенттері алаңдамаса да болады

Қаржылық қадағалау агенттігінің төрайымы Елена Бахмутова 18 қыркүйекте сөйлеген сөзінде қазақстандық 9 банктің жабылу мүмкіндігі туралы хабарлаған болатын. Бұл кезде меншікті капиталы ҚҚА-ның 2009 жылғы 1 қазанда енгізген талаптарына сәйкес келмейтін банктер туралы сөз қозғалған болатын.

Қазақстанда қазір 37 банк тіркелген, олардың ішінде халықпен жұмыс жүргізбейтін, бірқатар жеке тұлғалар мен компаниялардың мүдделеріне ғана қызмет көрсетумен айналысқан шағын банктер бар. Осы банктерге меншікті капиталын ұлғайту немесе шағын несие ұйымдары болу не жабылу қажет. Барлығы осы банктердің меншік иелеріне байланысты. 

«kaspi bank-інің меншікті капиталы нарықтағылардың ішіндегі ең жоғарғысы. ҚҚА жаңа талаптарына сай қазақстандық банктердің меншікті капиталының ең төменгі мөлшері 5 млрд. теңгені құрауы тиіс. 2008 жылғы қорытынды (аудит жүргізілген қаржылық есептілік) бойынша kaspi bank-тің меншікті капиталы 44,1 млрд. теңгені құрады. Банк қазақстандық банктердің алғашқы ондығына кіреді, халықпен белсенді жұмыс жасайды, Қазақстан бойынша жаңа бөлімшелер ашуда. Ай сайын біз 40 мың тұтынушылық несиелерін береміз. Депозиттеріміздің шарттары – нарықтағы біршама икемді әрі ыңғайлы шарттар. Банктің депозиттік қоры 150 миллиард теңгеден астам және біз депозиттік портфелі өсіп келе жатқан банктердің бестігіне кіреміз, – деп түсіндіреді басқарушы директор Павел Миронов. – Біздің клиенттерімізге банк қызметінің тұрақтылығына сенуіне болады әрі жинақ ақшасы үшін алаңдамай-ақ қойса болады».