Kaspi Bank күдікті әрекеті туралы ескерткен қылмыстық топ ұсталды
Алматы қаласының Мемлекеттік кірістер департаменті Қазақстанның Астана, Алматы қалалары мен облыс орталықтарында қаржы пирамидасын ұйымдастырған Ресей Федерациясының азаматтарынан құрылған қылмыстық топты ұстады.
Құқық қорғау органдары 2014-2015 жылдары қылмыстық топтың екінші деңгейлі банктердегі несиелерін жауып беруге уәде еткенін анықтады. Бұл ретте қарыз алушыға кредиттің 30%-дан 80%-ын «ФинСтатус» ЖШС-ға беру ұсынылған. Адамдарды жаппай қатарына тартудан қаржылық пирамида құрылып, адамдардың кредиті келесі адамдардың есебінен жабылып отырған. Алаяқтар барлығы 700 клиенттің жарты миллион теңгеге жуық сомадағы кредиттік қаражатын иеленген. Қаражат қылмыстық топ мүшелерінің жеке шоттарына аударылып, қолма-қол ақшаға айналдырылған.
Қаржы пирамидасының белгілері Kaspi Bank сарапшыларымен бұған дейін анықталған. Банк қазақстандықтарды алаяқтардың әрекетінен сақтану туралы ескерту жариялаған. Қазіргі кезде қылмыскерлер ұсталған және топтың басқа мүшелерінің бар-жоғын анықтау мақсатында тергеу жүргізілуде.