Жылжымалы мүлікті кепілге қоюға байланысты нормалардың енгізілгені туралы

«Kaspi Bank» АҚ 2014 жылғы «29» желтоқсанда «Қазақстан Республикасының кейбір заңнамалық актілеріне Қазақстан Республикасында кәсіпкерлік қызмет үшін жағдайды түбегейлі жақсарту мәселелері бойынша өзгерістер мен толықтырулар енгізу туралы» Қазақстан Республикасының № 269-V Заңы қабылданғанын хабарлайды, оған сай Қазақстан Республикасының Азаматтық кодексіне жылжымалы мүлік бөлігінде кепілге қою институтының мүмкіндіктерін кеңейтуге бағытталған өзгерістер енгізілді, олар төмендегіні көздейді:

1. Кепiл туралы шартта кепiл нысанасы мен оны бағалау, кепiлмен қамтамасыз етiлетiн мiндеттеменiң мәнi, мөлшерi немесе ең жоғары сомасы және орындалу мерзiмi көрсетiлуге тиiс. Сондай-ақ онда кепiлге қойылған мүлiк тараптардың қайсысында екендiгi және оны пайдалануға болатындығы көрсетiлуге тиiс. Тараптардың келісуі бойынша кепілмен қамтамасыз етудің нақты сипаттамасы талап етілместен, кепіл нысанасы болып табылатын жылжымалы мүліктің кепіл нысанасының жалпы сипаттамасы болуы мүмкін;



2. Шартта немесе заңнамалық актілерде көзделген жағдайларда кепiл құқығы кепiлге қойылған мүлiктi пайдалану нәтижесiнде алынған бөлiнетiн жемiстерге, өнiмге және кірістерге, сондай-ақ кейіннен иемденген активтер мен ауыстырылған активтерге қолданылуы мүмкін.