Kaspi Bank-тің қолдауымен «Ситуативный казахский» кітабының электронды нұсқасы тегін қолжетімді болды

Kaspi Bank қазақ тілін қолдау мақсатында наурыз мерекесінің қарсаңында қазақстандықтарға Қанат Тасыбековтың «Ситуативный казахский. Мир казахов» кітабының  электронды нұсқасын сыйға тартады.

«Күн сайын «онлайн» өмір сүретін, қазақ тілін үйренгісі келетін адамдар саны артып келеді. Олар үшін www.kaspibank.kz сайтынан және Kaspi Bank-тің әлеуметтік желілердегі парақшаларынан кітаптың электронды нұсқасын тегін көшіріп алу - үлкен мүмкіндік», - дейді Қанат Тасыбеков.

 «Ситуативный казахский» кітабы адамдардың білімін өздігінен жетілдіруге мүмкіндік беретін  ерекше құрал, -дейді «Kaspi Bank» АҚ атқарушы директоры Маржан Елшібаева, - Ақпаратты берудің ерекшелігі, күнделікті өмірде маңызды тұрмыстық тақырыптарды қамтуы кітапқа оқырмандары арасында танымал болуға мүмкіндік берді. Біз өз тарапымыздан кітаптың электронды нұсқасын шығаруды қолдауды жөн көрдік, бұл қазақстандықтарға осы бір сирек басылыммен танысуға мүмкіндік береді».