Kaspi-дің қаһармандары
15 қыркүйектен бастап «Kaspi-дің қаһармандары» атты жарнама науқаны басталады.
Kaspi керемет нәтижелерге қол жеткізген қарапайым қазақстандықтар туралы әңгімелейді. Бұл адамдар дәл қазіргі уақытта жанымызда жүр. Олардың әрқайсысы мүмкіндіктер көкжиегін кеңейте отырып, «жоқ» деген сөзге қарсы тұрып, қажырлы еңбектің арқасында үлкен нәтижелерге жетті.
Kaspi кейіпкерлеріміздің қандай жолдан өткенін, оларды қандай қиындықтар шыңдағанын және қайталанбас нәтижелерге жетуге көмектескен керемет күш-қуаттың бастауы не болғанын баяндайды.
Әрбір кейіпкердің жолы өзінше ерекше және олар әрқайсымыз үшін үлгі бола алады. Бұл кейіпкерлер құлдырау мен биікке көтерілуді, қателіктер мен олардан сабақ алуды басынан өткерді. Әрқайсысының жетістігінің негізінде табанды еңбек, ұдайы даму және өзгеруге деген шексіз құлшыныс жатыр.
«Біз өзінің қажырлы еңбегінің арқасында керемет жетістіктерге жеткен нағыз адамдар туралы айтпақпыз, - дейді Kaspi Bank-тің Басқарма Төрағасы Михаил Ломтадзе. - Біз Қазақстанда тұрып, Қазақстанда жұмыс істейміз. Өзімізге және балаларымызға үлгі боларлық адамдар жанымызда жүр. Біз осындай адамдар жайлы әңгімелегіміз келеді, олардың жолы барлығымызды ерекше әрекеттер мен жетістіктерге жетелейді және біз өзімізге және айналамыздағы дүниеге жаңаша көзқараспен қараймыз деп үміттенеміз. Жақсы жаққа қарай өзгеру, бірінші кезекте, өзімізден басталатынына сенімдіміз».
Гиннестің рекордтар кітабының жеті дүркін рекордсмені және Азияның, Африканың, Австралия мен Американың барлық шөл далаларын жүгіріп өткен әлемдегі жалғыз адам Марат Жыланбаев – Kaspi науқанының бірінші кейіпкері болмақ.
Марат балалар үйінде өсіп, Екібастұз қаласында өмір сүріп, жаттықты. Бала кезінде Маратқа жүгірумен айналыса алмайтыны туралы айтады. Сол сәттен бастап кейіпкеріміз тынымсыз жаттықты, өзгеріп, күш-қуаты арта бастады. Марат өзіне және басқаларына мүмкін емес дүниенің жоқ екенін дәлелдей білді. Оның рекордтарын осы уақытқа дейін бірде-бір адам қайталай алған жоқ.
«Kaspi-дің қаһармандары» науқаны ұлттық телеарналарда, баспасөзде, радиода, әлеуметтік желілерде және www.kaspi.kz сайтында жүргізіледі. Сондай-ақ Kaspi Маратпен бірге Қазақстанның жетекші жоғарғы оқу орындарында студенттер Маратпен жеке таныса алу үшін бірнеше кездесу өткізеді.
