Саудалық қаржыландыру

Сауданы қаржыландыру құралдарын пайдалану «Kaspi Bank» АҚ-ға экспорттық-импорттық операцияларды жүзеге асыру барысында коммерциялық және қаржылық тәуекелдіктердің біршама төмендеуіне қол жеткізуге, шығындарды азайтуға, сондай-ақ қаржылық ағынды оңтайландыруға мүмкіндік береді.

«Kaspi Bank» АҚ саудалық қаржыландыру саласында ірі халықаралық банктермен ынтымақтастықта.

Саудалық қаржыландыру бойынша контрагент-банктердің тізімі:

Австрия		RZB Bank Austria
Бельгия		KBC
Ұлыбритания		Standard Bank London HSBC
Германия		Dresdner Bank AG Hypo Vereins Bank Commerzbank AG Landesbank Berlin Indover Bank
Голландия		ING Bank, Amsterdam Rabo Bank
Италия		SanPaolo IMI
Канада		Bank of Montreal
Қытай		Bank of China Bank Overseas Chinese Industrial and Commercial bank of China
Корея		Ex-Im Bank Korea
БАЭ		Mashreq Bank National Bank of Dubai
Ресей		Сбербанк РФ Внешторгбанк Абсолют Банк Банк Зенит Промсвязьбанк
АҚШ		Citigroup Wachovia Bank American Express Bank Bank of New York
Финляндия		OKO Bank
Франция		Calyon Bank Societe Generale
Швейцария		Credit Suisse First Boston UBS
Швеция		Swedbank, Stockholm

«Kaspi Bank» АҚ саудалық қаржыландыру шеңберінде мыналарды қоса бірқатар өнімдермен жұмыс істейді:

Тауар сатып алуды (қызмет көрсетуді) қысқа мерзімді қаржыландыру:

Қаржыландыру мерзімі 1 жылдан 2 жылға дейін, төлеу түрі – аккредитив.

• Несиелеудің әдеттегі шарттары кезіндегі пайыздық мөлшерлемеге қарағанда пайыздық мөлшерлемесі айтарлықтай төмен
• Айналымдағы қаражатты жұмсамауға мүмкіндік береді
• Жеткізуші тауарды тиегеннен кейін бірден ақысын алады
• Қарызды кезең соңында біржолғы қайтару мүмкіндігі

Біздің Банк өз тәжірибесінде клиенттерге экспорттық-импорттық операцияларды жүзеге асыру кезіндегі коммерциялық және қаржылық тәуекелдіктерді айтарлықтай төмендетуге қол жеткізетін аккредитив және кепілдік сияқты құралдарды пайдаланады.

Сатып алушы үшін артықшылықтар:

• Сатушы тауарды тиеуді/қызмет көрсетуді орындамайынша, ол тауар ақысын алмайтынына кепілдік
• Аккредитив шарттарында көзделген талаптар мен мерзімдерге сәйкес тауарды алу кепілдігі

Сатушы үшін артықшылықтар:

• Аккредитивтің барлық шарттарын орындаған кезде, Сатып алушыдан тәуелсіз, төлемақыны алу кепілдігі
• Расталған аккредитивті пайдаланған жағдайда, төлемнің қосарлама кепілдігін алу мүмкіндігі.

Қос Тарап үшін артықшылықтар:

• Барлық аккредитивтер кеңінен қолданылады және түсінікті, сондай-ақ Халықаралық Сауда Палатасымен (Париж қ., 1993 ж.) бекітілген UCP 500-құжаттамалық аккредитивтер үшін Жүйеленген Ережелер мен Дәстүрлерге бағынады, бұл пайдалануды және мәселелерді шешуді қарапайым етеді.
• Қаржы құралы ретінде аккредитивтің икемділігі әр түрлі схемаларды пайдалануға және сонымен күрделі коммерциялық келісімшарттарды жүзеге асыруға мүмкіндік береді.

СХЕМА

Аккредитивтің негізгі түрлері:

1. Көрсеткен кездегі төлем
2. Төлем мерзімін жылжыту арқылы
3. Трансферабельдік/аударымдық аккредитив
4. Револьверлік/жаңартылатын аккредитив
5. «Қызыл ескертпелі» аккредитив/аванстық төлеммен

 Ұзақ мерзімді қаржыландыру

Біз Сіздерге негізгі өндіріс құралдарын (машиналар, құрал-жабдықтар) сатып алуға ұзақ мерзімді қаржыландыруды ұсынады.

Экспорттық-несиелік агентіктердің (ЭНА) кепілдігімен батыстық коммерциялық банктерді тарта отырып, импорттық операцияларды қаржыландыру. Осы қызмет аясында kaspi bank 7 жылға дейін орта мерзімді және ұзақ мерзімді қаржыландыруды Сатып алушыға шетелдік ЭНА жабу кепілдігімен коммерциялық банктен алынатын мақсатты несие бойынша жеңілдік мөлшерлемесімен несие беру арқылы ұйымдастырады.

ЭНА – Сатушының саяси және/немесе коммерциялық тәуекелдіктерін жабу жөніндегі Экономикалық Ынтымақтастық пен Даму Ұйымы елдеріндегі мемлекеттік (немесе мемлекеттік меншіктің үлкен үлесі бар) кәсіпорын.

Осы қаржыландыру схемасы «Kaspi Bank» АҚ клиенттеріне тартылатын қаражаттың құнын төмендетуге және жаңа да, қолданылған да құрал-жабдықтарды, автокөлік пен ауыл шаруашылығы техникасын сатып алу мүмкіндігі арқылы қаржыландыру мерзімдерін ұзартуға мүмкіндік береді.

ЭНА-ның жабуды сақтандыруымен қаржыландырудың негізгі параметрлері:

• Алдын ала төлемнің 15% жоғарысы Сатып алушының есебінен төленеді (сондай-ақ осы сомаға қысқа мерзімді қаржыландыру мүмкіндігі)
• kaspi bank мен қаржыландыратын шетелдік банк арасында жасалатын банкаралық несиелік келісім аясында 85% дейін қаржыландырылады
• Төлем құралы: қайтарусыз расталмаған аккредитив
• Несие мерзімі – 2 жылдан 7 жылға дейін

Несиені өтеу тең жүйелі жартыжылдық төлемдермен жүзеге асырылады.

Біз осындай қаржыландыруды мына елдерден алынатын импорт үшін ұйымдастыра аламыз:

Елдер		ЭНА
Австрия		OeKB
Бельгия		Ducroire-Delcredere
Бермуды		Exporters Insurance Company
Ұлыбритания		ECGD
Германия		Gerling, HERMES
Гонконг		HKECIC
Дания		EKF
Израиль		IFTRIC
Испания		CESCE
Италия		SACE
Канада		EDC
Корея		KEIC
Нидерландтар		NCM
Норвегия		GIEK
Польша		ЦКВ
Португалия		COSEC
АҚШ		Ex-Im Bank
Турция		Turk Ex-Im Bank
Франция		Coface Group
Финляндия		Finnvera
Чехия		EGAP
Швейцария		ERG
Швеция		EKN
Жапония		JBIC

Қолма-қол қаржыландыру
Клиенттерімізге біз сондай-ақ саудалық келісімшарттармен қолма-қол қаржыландыруды ұсынамыз. Мұндай қаржыландыру кезінде төлем түрі ретінде аккредитивті пайдалану қажет емес. Әдетте ол шетелдік серіктестермен жақсы қарым-қатынас орнатылғанда және келісімшарт бойынша міндеттемелерді орындамау жағдайлары орын алмағанда пайдаланылады. Төлем түрі – тікелей банктік аударым.

Мақсатты бағдарламалар
Біздің Банк Сіздерге мына мақсатты бағдарламалар бойынша құрылымдық қаржыландыруды ұсынады:

Оңтүстік Кореядан келген жеткізушілермен жұмыс істейтін импорттайтын компаниялар үшін біздің Банк Оңтүстік Кореядан әкелінетін тауарларды, қызметтер мен құрал-жабдықтарды импорттауды қаржыландыру бойынша мына қызметтерді ұсынады:

Өндірістік зауыттар мен басқа да негізгі құрал-жабдықтар, қаржыландыру – 5 жылға дейін
Тұтыну тауарлары – 2 жылға дейін
Шикізат, қосалқы бөлшектері мен жиынтықтары – 2 жылға дейін
Қарыз валютасы:: USD
Өтеу:: өтеу кестесіне сәйкес әр алты ай сайын

Қаржыландыру шарттары::

АҚШ-тан ауыл шаруашылығы өнімдерін жеткізушілермен жұмыс істейтін импорттаушы компаниялар үшін біз қаржыландырудың мына шарттарын ұсынамыз:
Мақсаты: жем, талшықтар немесе олардан жасалатын бұйымдар сияқты ауыл шарушылығы тауарларын сатып алу. Бұған пиломатериалдар мен целлюлоза сияқты орман өнімдерін, сондай-ақ АҚШ Конгресі осы бағдарламаның мақсаты үшін ауыл шарушылығы өнімдері санатына жатқызған балықты жатқызуға болады.
Мақта, алкгольдік сусындар, өсімдік майы, асыл тұқымды құс және телеграфтық бағандар сияқты әр түрлі өнімдер арқылы несиелік жабу қамсыздандырылады.
Қарыз валютасы: USD
Қаржыландыру мерзімі: 3 жылға дейін
Өтеу: өтеу кестесіне сәйкес әр алты ай сайын
Бұл қаржыландыру GSM 102 бағдарламасы аясында жүргізіледі.

Анықтама: GSM 102, АҚШ-тың Ауыл шаруашылығы министрлігінің бағдарламасы, шетелдік банктерден алынатын төлемдерге кепілдік беретін экспорттық несиелеу кепілдігі бағдарламасын жүзеге асырады.

АҚШ-тың Ауыл шаруашылығы министрлігі жекелеген ел немесе аймақ үшін, егер нәтижесінде бұл Құрама Штаттарының экспорттық нарығын қолдауға немесе кеңейтуге алып келсе, АҚШ-тың кез келген ауыл шаруашылығы өніміне кепілдік беру туралы мәселені қарастыруға дайын.

Саудалық қаржыландырудың барлық түрлерін ұйымдастыру клиенттің тек банктің несие комитетінен өткенінен кейін және оған несиелеу лимитін белгілегеннен кейін ғана мүмкін болады.
Аккредитивтерді пайдалану арқылы жеңілдікті қаржыландыруды алу рәсімінің несиені ресімдеудің стандарт тәртібінен айырмашылығы жоқ.

Біздің Банктің мамандары тұрақты кеңес беру қызметін көрсетеді және бизнес серіктестермен келіссөздер барысында ықпал етуге дайын. Қызметкерлердің жоғары біліктілігі әлемнің кез келген нүктесінде шетелдік серіктестермен жасалатын мәмілелерді қаржылық және логистикалық бағалауға нақты жәрдемдеседі.

Біздің білікті қызметкерлеріміз сіздердің барлық сұрақтарыңызға жауап беруге дайын және мынадай көмектер көрсетеді:

• Саудалық қаржыландырудың барлық өнімдерін ашу және жүргізу бойынша кеңестер беру
• Қаржыландыру құрылымын Сіздің талаптарыңызға сәйкес жеке дайындауға көмек беру
• Саудалық келісімшарттарды жасау бойынша кеңестер беру
• Шетелдік серіктестермен келіссөздер жүргізуге көмек беру
• Корреспондент-банктер туралы ақпарат беру

Барлық сұрақтар бойынша кеңестер алу үшін kaspi bank-інің жақын орналасқан филиалына хабарласуды сұраймыз.